Seminarlar və Webinarlar

META Medical Education & Training Academy fəaliyyətinin əsas istiqamətlərindən biri tibb mütəxəssislərinin davamlı peşəkar inkişafına xidmət edən seminar, vebinar, kurs və elmi-praktik təlimlərin təşkilidir. Müxtəlif illərdə keçirilən bu tədbirlərdə yerli və xaricdə fəaliyyət göstərən mütəxəssislərin iştirakı ilə tibbin aktual mövzuları müzakirə olunub.
Təlim proqramları pediatriya, uşaq endokrinologiyası, daxili xəstəliklər, cərrahiyyə, revmatologiya, uşaq və yeniyetmə psixiatriyası, dietologiya və nutrisologiya, tibbi statistika və digər istiqamətləri əhatə edib. Uşaqlarda antibiotiklərin istifadəsi, şəkərli diabet və insulin pompa terapiyası, endokrin patologiyalar, Aralıq dənizi qızdırması, Henoch–Schönlein purpurası, autizm spektr pozğunluğu, diqqət əskikliyi və hiperaktivlik, uşaqlarda hormonal xəstəliklər, funksional qidalanma, təcili vəziyyətlər və klinik halların müzakirəsi kimi mövzular üzrə ixtisaslaşmış təlimlər təşkil olunub.
Tədbirlərin bir hissəsi onlayn platformalarda, bir hissəsi isə əyani formatda keçirilib. Ayrı-ayrı layihələr META ilə yanaşı, TƏBİB, Elmi-Tədqiqat Pediatriya İnstitutu, Beynəlxalq Təlim və Layihə Mərkəzi, Sağlam Ailə və digər tərəfdaş qurumların iştirakı və əməkdaşlığı ilə təşkil edilib.
META-nın seminar və vebinarlarının əsas məqsədi yalnız nəzəri məlumatların təqdim edilməsi deyil, müasir elmi biliklərin klinik praktikaya inteqrasiyası, həkimlərin müxtəlif ixtisaslardan olan mütəxəssislərlə təcrübə mübadiləsi və gənc həkimlərin peşəkar inkişafının dəstəklənməsidir. Kliniki halların təhlili, diaqnostik və müalicə yanaşmalarının müzakirəsi, elmi tədqiqat və biostatistika üzrə biliklərin inkişaf etdirilməsi bu fəaliyyətlərin mühüm hissəsini təşkil edir.
Bu seminar və vebinarlar META-nın davamlı tibbi təhsil və elmi maarifləndirmə fəaliyyətinin əsas istiqamətlərindən biri olaraq müxtəlif illərdə çoxsaylı həkim və digər səhiyyə mütəxəssislərini vahid elmi-təhsil platformasında bir araya gətirib.