“Laborant Mikrobioloq” Peşə Təlimi və Təcrübə Proqramı

META Medical Education & Training Academy tərəfindən Sağlam Ailə Tibb Mərkəzi və Dövlət Məşğulluq Xidməti ilə birgə layihə çərçivəsində “Laborant Mikrobioloq” peşəsi üzrə ödənişsiz təlim və təcrübə proqramı həyata keçirilib.
Layihənin əsas məqsədi əmək bazarının tələblərinə uyğun praktik bilik və bacarıqlara malik laboratoriya mütəxəssislərinin hazırlanması, iştirakçıların peşə kompetensiyalarının inkişaf etdirilməsi və onların məşğulluq imkanlarının artırılması olub.
Proqram nəzəri təlimlə yanaşı praktik təcrübə mərhələsini də əhatə edib.
Bu layihə META-nın tibbi təhsillə yanaşı, peşə hazırlığı, praktik təcrübə və məşğulluğun dəstəklənməsini birləşdirən sosial yönümlü layihələrindən biri kimi həyata keçirilib.